当前位置:ty356体育在线 - 足球资讯 - 专家拆局 - 尼马卡云尼枪口对外 PSG猛火烧仁
尼马卡云尼枪口对外 PSG猛火烧仁
日期:2017-9-27 13:07:38
欧联焦点之战,巴黎圣日耳门(PSG)主场对拜仁慕尼黑,盛传PSG两位球星尼马同卡云尼,因为争12码主射权,搞到反晒面,其实呢种事件只属小风波,欧洲大球会及球星之中,冇永远敌人,只有永远利益,今场大战对PSG而言就系最大利益,细鬼相信尼、卡二人会放下私人恩怨,全力争胜,点都好过揽炒。拜仁钢门纽亚养伤,防线好唔掂,抵挡唔住CNM锋线,捧主胜。

圣日耳门上场法甲缺少尼马,立即冇波入,证明呢位巴西国脚对球队的确非常重要,卡云尼亦应该意识到呢点,冇可能继续同对方搞对抗,否则球队成绩下滑,佢肯定会成为罪人。日前传出PSG管理层愿意畀卡尼云100万欧元,要佢让出12码主射权畀尼马,会方撑边位,显而易见,相信卡云尼应该会识做。今次小风波应该好快平息,PSG可以重新枪口一致对外,只要CNM发挥正常水准,当今球坛之中,难有防线可以招架得住佢的。

拜仁冇可靠门将难顶

另一边厢,细鬼从未试过对拜仁咁冇信心,佢的后防实在令人担忧,特别系钢门纽亚养伤,后备门将乌里治上场联赛严重犯错,导致领先2球下,被禾夫斯堡逼和,睇怕佢信心已大受打击。由于3号门将富捷尔只得17岁,拜仁要搵番已转做青年军门将教练嘅史达基复出以备不时之需,面对攻力强横嘅PSG,拜仁今铺有难。

「欧联智激斗」同你齐研究

除左睇直播之外,亦记得睇有线今届自家摄製嘅欧联赛前节目「欧联智激斗」,由包括细鬼在内嘅足球评述员,同球彩台主持同场「角力」,对欧联赛事作出研究、分析,以至考眼光、估赛果。节目喺欧联分组赛举行当晚播出,希望大家多多支持。

联 赛 资 料